ҚУРБИ ДОЛЛАР БОЗ ПОЁН ФАРОМАД

                 Душанбе, 21 октябр. (АМИТ «Ховар», Покиза Маҳбадбекова). – Мувофиқи маълумоти фаврии Бонки миллии Ҷумҳурии Тоҷикистон дар бозорҳои байнибонкӣ ва бахшҳои дохилии бонкҳои Тоҷикистон қурби харид ва фурӯши доллари ИМА поён рафт.                 Чунон чӣ дар шаҳри Душанбе ва вилояти Суғд қурби 1 доллари ИМА ба 4,3800 – 4,3900 сомонӣ баробар шуд. Қурби рубли Русия ва евро нисбатан боло рафта, 10 рубли Русия бо нархи 1,4620 – 1,4740 сомонӣ ва як евро бо нархи 6,4800 – 6, 4900 сомонӣ мубодила гардид. Ҳаҷми мубодилаи асъори хориҷӣ ва қурби он дар бозорҳои байнибонкӣ ва бахшҳои дохилибонкӣ аз давраи 16 октябр то 20 октябр гувоҳӣ медиҳад, ки шумораи амалиёти бонкӣ бо иштироки доллари ИМА камтар шуда, дар баробари ин амалиёти бонкӣ бо рубли русӣ ва евро фаъол гардид.                  Айни ҳол нархи миёнаи харид ва фурӯши 1 доллари ИМА ба 4,3820 сомонӣ, 10 рубли русӣ ба 1,4860 сомонӣ ва як евро ба 6,5195 сомонӣ баробар шуд.