CАФАРИ ЭМОМАЛӢ РАҲМОН БА МАСКАВ

                Душанбе, 21 октябр. (АМИТ «Ховар», Фарангис Раҳимова). – Имрӯз сафари давлатии Президенти Ҷумҳурии Тоҷикистон Эмомалӣ Раҳмон ба Федератсияи Русия оғоз меёбад. Сафари давлатии Президент Эмомалӣ Раҳмон ба Федератсия Русия аз 21 то 23 октябр сурат мегирад. Тавре ба АМИТ «Ховар» аз хадамоти матбуотии Сарвари давлат иттилоъ доданд, дар ҷараёни сафари давлатӣ Президент Эмомалӣ Раҳмон бо президенти Федератсияи Русия Дмитрий Медведев мулоқот анҷом медиҳад. Ҳангоми мулоқот ҳолат ва дурнамои ҳамкориҳо миёни ҳар ду давлат муҳокима шуда, қабули чораҳои зарурӣ барои рушди минбаъдаи ҳамкорӣ миёни давлатҳои Тоҷикистону Русия баррасӣ мешаванд.                  Ҳамчунин дар рафти сафар Сарвари давлат Эмомалӣ Раҳмон бо ҳамватанони муқими минтақаҳои Федератсияи Русия вохӯрӣ баргузор мекунад.