МАЪРАКАИ ДОРУГУЗАРОНӢ ДАВОМ ДОРАД
Хуҷанд, 1 октябр. (АМИТ «Ховар», Санавбар Мақсудова). – Дар вилояти Суғд маъракаи доругузаронӣ ба организми бачагони аз 1 то 14 сола барои пешгири бемориҳои гул ва сурхча мисли минтақаҳои дигари мамлакат муташаккилона оғоз ёфт ва бомуваффақият давом дорад. Тавре хабар дода шуда буд, маъракаи мазкур дар Тоҷикистон бо кӯмаки Созмони ҷаҳонии тандурустӣ ва муассисаи наҷоти атфоли СММ гузаронида мешавад. Мухбири АМИТ «Ховар» хабар медиҳад, ки дар вилояти Суғд дар давоми маърака ба организми 650 ҳазору 194 нафар дору гузаронида хоҳад шуд. Бо ин мақсад дар марказҳои саломатӣ, мактабҳо, боғчаҳои бачагон ва ғайра 549 бунгоҳи доругузаронӣ ташкил карда шуданд. Дар давоми ду рӯзи аввали маърака ба организми 177 ҳазору 194 нафар дору гузаронида шуд. Хабар дода мешавад, ки мутахассисони вазорати тандурустӣ ва раёсати тандурустии вилоят аз 7 то 12 сентябр ба ҳамаи шаҳру ноҳияҳои вилоят сафар карда, аҳамияти доругузарониро ба аҳолӣ фаҳмонданд. Дар давоми ду ҳафтаи маърака дар саросари ҷумҳурӣ ба организми 2,5 миллион нафар дору гузаронида хоҳад шуд. Тибқи нақшаи вазорати тандурустӣ ояндаи наздик ба организми бачагон барои пешгирии бемориҳои меъдаю рӯда ва роҳҳои нафар низ дору гузаронида хоҳад шуд. Хароҷоти умумии маъракаи доругузаронӣ бештар аз 3 миллион доллари ИМА – ро ташкил медиҳад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






