МУШКИЛОТИ КОРХОНАҲОИ МУЗОФОТӢ
Мӯъминобод, 22 октябр. (АМИТ «Ховар», Сулаймон Холов).-Бо мақсади ба роҳ мондани фаъолияти корхонаҳои саноатӣ ва бо ҷои кор таъмин намудани шаҳрвандон ҶММ "Оила" дар ноҳияи Мӯъминобод корхонаи консервабарорӣ таъсис дода, 15 нафар духтарони маҳаллиро ба кор ҷалб кард. Роҳбарияти корхона соли ҷорӣ бо чор хоҷагии деҳқонӣ шартномаи хамкорӣ баста, миқдори зиёди пиёзи анзур, помидору бодирингро барои коркарди истеҳсолот харидорӣ намуд. То имрӯз беш аз 80 ҳазор қуттии шартӣ консерва истеҳсол карда шуд. Корхона аз ҳисоби пардохти музди меҳнати коргарон, фонди ҳифзи иҷтимоӣ, дигар намудҳои андоз ва хизматгузорӣ қарздор нест. Роҳбари корхона Назирмад Толибов бо мухбири АМИТ «Ховар» аз пайваста хомӯш гардидани барқ изҳори нигаронӣ кард. «Набудани барқ ба фаъолияти корхона монеа эҷод мекунад». Мушкилоти дигар дар дастрас намудани қуттиҳо мебошад. Аз сабаби дар вилояти Хатлон набудани корхонаҳои истеҳсоли қуттӣ, онҳоро аз корхонаи "Лаъли Хуҷанд" -и вилояти Суғд харидорӣ мекунанд, ки он дар навбати худ ба болоравии нархи маҳсулот оварда мерасонад.
Пагоҳ дар якчанд вазорату идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
