ҲУНАРМАНДОН НИЗ ДАР СОХТМОН САҲМ МЕГИРАНД

                  Душанбе, 16 ноябр. (АМИТ «Ховар», Таҳмина Ғоибназарова) – Ҳунармандони ансамблҳои машҳури давлатии «Зебо», «Гулшан» ва «Ҷаҳоноро» таҳти роҳбарии директори муассисаи давлатии Иттиҳодияи коллективҳои эҷодӣ Ҷамшед Исмоилов маоши якрӯзаи музди меҳнати худро ба сохтмони Нерӯгоҳи барқи обии Роғун гузарониданд. Дар ин бора ба АМИТ «Ховар» муовини Иттиҳодияи эҷодӣ Абдурасул Ҳалимов иттилоъ дода қайд кард, ки «саҳми ҳунармандони ансамблҳои зикршуда 1.400 сомониро ташкил медиҳад».                  Ҳамчунин, ҳайати эҷодӣ баргузории консертҳои хайрияро барои сохтмончиёни ин иншооти миллӣ дар назар доранд.                   «Айни замон Иттиҳодияи коллективҳои эҷодии «Зебо», «Гулшан» ва «Ҷаҳоноро» барномаи нави консертиро омода кардаанд, ки рӯзҳои наздик пешкаши тамошобинон мегардад», — изҳор кард А.Ҳалимов.