ҶАМЪБАСТИ НАТИҶАҲОИ МАВСИМИ ФУТБОЛ

                    Душанбе, 20 ноябр. (АМИТ «Ховар», Пайрав Назаров). — 24 ноябр дар пойтахти Малайзия — шаҳри Куала – Лумпур маросими ҷамъбасти мавсими имсолаи мусобиқаҳои футбол дар қитъаи Осиё баргузор мегардад. Мутаассифона, имсол дар ягон бахш намояндагони Тоҷикистон дохил карда нашудаанд. Ҳол он ки футболбозони тоҷик дар мусобиқаҳои футболи байни мамлакатҳои қитъаи Осиё натиҷаҳои хуб ба даст овардаанд.                    Ҳамон рӯз номҳои ғолибони мусобиқаҳои футбол дар бахшҳои «Футболбози беҳтарин», «Футболбоздухтари беҳтарин», «Алмоси Осиё», «Футболбози ҷавони беҳтарин», «Тренери беҳтарин», «Довари беҳтарин», «Ёвари беҳтарин», «Комиссари беҳтарини бозиҳо», «Дастаи беҳтарин», «Дастаи беҳтарини мунтахаби мардони футболбоз», «Дастаи беҳтарини мунтахаби занонаи футболбоз», «Ассосиатсияи беҳтарини миллӣ», «Ассосиатсияи беҳтарини миллии занони футболбоз», «Ҷоиза барои бозии софдилонаи футбол» ва гайра эълон карда мешаванд.                      Дар фарҷоми маросим ба ғолибон 18 ҷоиза супурда хоҳад шуд.