МАНЪИ ФУРӮШИ ЛАМПАҲОИ ТАФСОН ДАР ҚАЛАМРАВИ ҶТ

                  Имрӯз, 17 ноябр Президенти Ҷумҳурии Тоҷикистон Эмомалӣ Раҳмон қарор «Дар бораи тадбирҳои иловагии истифодаи сарфаҷӯёнаи энергия» ва бо мақсади самаранок ва сарфакорона истифода бурдани энергияи барқ имзо кард.                   Инчунин, дар қарори мазкур гуфта мешавад, ки фурӯши лампаҳои барқии тафсон, ки воридоти онҳо бо қарори Ҳукумати Ҷумҳурии Тоҷикистон аз 31 августи соли 2009 манъ гардида буд, дар қаламрави Ҷумҳурии Тоҷикистон манъ карда шавад.                    Қарори мазкур ба зиммаи Агентии стандартизация, метрология, сертификатсия ва нозироти савдои назди Ҳукумати Ҷумҳурии Тоҷикистон, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳо, шаҳри Душанбе, шаҳру ноҳияҳо дар якҷоягӣ бо вазорату идораҳои дахлдори ҷумҳурӣ гузошта шудааст.                     Ба Вазорати рушди иқтисод ва савдои Ҷумҳурии Тоҷикистон фармон дода мешавад, ки номгӯи дақиқи лампаҳои барқии тафсонро, ки воридот ва фурӯши онҳо дар қаламрави ҷумҳурӣ манъ карда шудааст, дар воситаҳои ахбори омма интишор намояд.