НАМУДҲОИ ИҶОЗАТДИҲИРО КАМ МЕКУНАНД

Ноябрь 13, 2009 17:02

                   Душанбе, 13 ноябр. (АМИТ «Ховар», Бекназари Абӯбакр). — Имрӯз дар Кумитаи давлатии сармоягузорӣ ва идораи амволи давлатии ҶТ оид ба татбиқи Фармони Президенти Ҷумҳурии Тоҷикистон «Дар бораи ислоҳоти системаи иҷозатдиҳӣ» ва Қарори Ҳукумати Ҷумҳурии Тоҷикистон «Дар хусуси тадбирҳои татбиқи Фармони Президенти ҶТ «Дар бораи ислоҳоти системаи иҷозатдиҳӣ» нишасти матбуотӣ баргузо гардид.                      Дар нишасти матбуотӣ қайд гардид, ки тибқи татқиқоти Корпоратсияи байналмилалии молиявӣ оид ба корхонаҳои хурд ва миёна 40 фоизи соҳибкорон ҳангоми гирифтани иҷозатнома ба мушкилиҳо рӯ ба рӯ мегарданд. Дар Тоҷикистон зиёда аз 500 намуд иҷозатҳо мавҷуданд, ки аксари онҳо нолозим, ғайристандартӣ ва такроршаванда мебошанд.                      Гуфтанист, ки Ҳукумати мамлакат ҷиҳати татбиқи ислоҳоти мазкур Комиссия оид ба такмили санадҳои меъёрии ҳуқуқии танзимкунандаи тартиби додани иҷозатномаҳоро ба субъектҳои фаъолияти соҳибкорӣ таъсис дод, ки муовини аввали Сарвазири ҷумҳурӣ Асадулло Ғуломов роҳбарӣ менамояд.                      Котиби масъули Комиссияи мазкур Шӯҳрат Раҳматбоев зикр намуд, ки Комиссия оид ба такмили санадҳои меъёрии ҳуқуқии танзимкунандаи тартиби додани иҷозатномаҳо ба субъектҳои фаъолияти соҳибкорӣ, бо дастгирии Корпоратсияи байналмилалии молиявӣ зиёда аз 500 намуд ҳуҷҷатҳои иҷозатдиҳиро ошкор намуд, вале то имрӯз аз мақомоте, ки иҷозатнома медиҳад танҳо 152 асоснок гирифта шудааст.  

Ноябрь 13, 2009 17:02

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд