ТАҶЛИЛИ 70 – СОЛАГИИ ДОНИШГОҲИ ДАВЛАТИИ ТИББӢ

Ноябрь 20, 2009 15:55

                  Душанбе, 20 ноябр. (АМИТ «Ховар», Кристина Эрлих). — Имрӯз ба таъсиси Донишгоҳи давлатии тиббии ба номи Абӯалӣ ибни Сино расо 70 сол пур шуд. Ба ин муносибат дар Кохи Ваҳдат бо иштироки Президенти ҷумҳурӣ Эмомалӣ Раҳмон ҷамъомади ботантана баргузор гардид. Дар ҷамъомад инчунин роҳбарону намояндагони хамаи вазорату идораҳо, созмонҳои ҷамъиятӣ ва тиббӣ ва бештар аз 200 нафар меҳмонони хориҷӣ иштирок намуданд.                    Президенти ҷумҳурӣ Эмомалӣ Раҳмон, вазири тандурустӣ Нусратулло Салимов, ректори донишгоҳ Убайдулло Қурбонов, намояндагони созмонҳои давлатӣ, муҳофизи қонун ва меҳмонон намоишгоҳи дастовардҳои соҳаи тибби мамлакатро дар давоми 70 соли фаъолияти донишгоҳ тамошо карданд.                     Чунин намоишгоҳ дар даромадгоҳи Кохи Ваҳдат низ ороста шуда буд. Дар он маҳсулоти корхонаю коргоҳҳои тобеи вазорати тандурустӣ, вазорати маориф ва ҳамаи мактабҳои олии мамлакат намоиш дода шуданд.                      Донишгоҳи давлатии тиббии ба номи Абӯалӣ ибни Сино соли 1939 таъсис ёфта буд ва яке аз мактабҳои олии аввалини Тоҷикистон ба шумор меравад. Донишгоҳи мазкур имрӯз дар мамлакат маркази ягонаи омода сохтани мутахассисони маълумоти олидори соҳаи тандурустӣ мебошад. Донишгоҳ айни ҳол чор факулта ва 63 кафедра дорад. Дар он 5 ҳазору 886 донишҷӯ таҳсил мекунад. Аз ин ҷумла, 500 дониҷӯ аз мамлакатҳои хориҷӣ мебошанд. Донишгоҳ дар давоми 70 соли фаъолияташ бештар аз 30 ҳазор мутахассис тайёр кардааст. Онҳо имрӯз на танҳо дар Тоҷикистон, балки инчунин дар 32 мамлакати дигари ҷаҳон кор мекунанд. Дар Донишгоҳи давлатии тиббӣ 680 профессор ва омӯзгор, аз ҷумла 81 доктори илм ва 201 номзади илми тиб кор мекунад.

Ноябрь 20, 2009 15:55

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд