ВАЗИРОН ДАР ДУШАНБЕ ҶАМЪ МЕОЯНД
Душанбе, 4 ноябр, (АМИТ «Ховар» Наргис Бояаҳмедова) – Ҷаласаи сессияи 37 Шӯрои Вазирони корҳои хориҷии Созмони конфронси исломӣ бо ширкати зиёда аз 105 намоянда аз кишварҳои СКИ моҳи май соли 2010 дар пойтахти Тоҷикистон баргузор карда мешавад. Вобаста ба ин вазорати корҳои хориҷии мамлакат аллакай корҳои омодагиро оғоз кард, — чунин иттилоъ дод ба АМИТ «Ховар» роҳбари Раёсати матбуоти ВКХ ҶТ Давлат Назриев. Қарор оид ба гузаронидани Ҷаласаи сессияи 37 Шӯрои Вазирони корҳои хориҷии Созмони конфронси исломӣ дар шаҳри Душанбе соли 2009 дар шаҳри Димишқ қабул гардид. Ёдовар мешавем, ки Созмони конфронси исломӣ яке аз бузургтарин созмонҳои расмии кишварҳои мусулмонӣ буда 57 мамлакатро бо шумораи зиёда аз 1,2 миллиард аҳолӣ дар бар мегирад. Созмон соли 1969 бо мақсади таъмини ҳамрайъии кишварҳои исломӣ дар риштаҳои сиёсӣ, иқтисодӣ, иҷтимоӣ, мубориза бар зидди нажодпарастӣ ва мутамликадорӣ таъсис дода шудааст. Тоҷикистон аз соли 1992 аъзои ин созмони бонуфузи байналмиллалӣ мебошад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






