100 МУРҒИ МАРҶОН БАРОИ ЗИЁФАТИ СОЛИНАВӢ

Декабрь 30, 2009 08:13

                Душанбе, 30 декабр. (АМИТ «Ховар». Лаззат Диловарзод).- Имрӯзҳо сохтмони нерӯгоҳи барқи обии «Роғун» маркази таваҷҷӯҳи сокинони ҷумҳурии Тоҷикистон ва соҳибкорону муҳоҷирони меҳнатии берун аз кишвар мебошад.                 Тавассути расонаҳои хабарӣ ҳаррӯз даҳҳо иттилоот дар бораи рафти кор, қаҳрамонию якдилӣ ва часпу талош барои дар вақти пешбинишуда бастани маҷрои дарёи Вахшу идомаи кор баҳри расидан ба қуллаи умед – бунёди калонтарин нерӯгоҳ дар Тоҷикистон ва баландтарин сарбанд дар олам, нашру пахш мегардад.                   Дар Ҷумҳурии Тоҷикистон аз хонандаи мактабӣ то нафақахӯри оддӣ бунёди ин иншооти бузурги асрро дастгирӣ мекунанд. Бо ин мақсад, сокинони ноҳияи Ванҷи ВМКБ бо сарварии раиси ноҳия Нарзулло Ҷонов барои зиёфати солинавии коргарону мутахассисони инженер – техникии нерӯгоҳ маводи ғизоӣ аз қабили: гӯшт, картошка, пиёз, сабзӣ, туту зардолу, чормағзу себу тутпист — (талқони тут) ва 100 мурғи марҷони зинда, ҳамчунин афшӯраи меваро ҷамъулҷамъ ба маблағи беш аз 80 ҳазор сомонӣ ба шаҳри Роғун расониданд.                  — Ин тӯҳфаи аввалу охир нахоҳад буд, сокинони ноҳия азм доранд то охири сохтмони нерӯгоҳ боз 10 маротиба дастурхони коргаронро бо маводи ғизоии хушлаззату идона оро диҳанд, — иброз дошт раиси ноҳия Нарзулло Ҷонов ба мухбири АМИТ «Ховар».   

Декабрь 30, 2009 08:13

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд