ГРАНТҲОИ НАВ ДАР СОҲАИ МАОРИФ

                 Душанбе, 24 декабр. (АМИТ «Ховар», Лаззат Диловарзод).- Тадбирҳои иловагӣ аз фонди Католикии ташаббуси тезонидани амалисозии барномаи «Дониш барои ҳама», ки 13,5 милион долларро ташкил медиҳад, имкон медиҳад, ки татбиқи барномаҳо дар соҳаи маориф беҳтар гарданд.                  Бино ба гуфти роҳбари намояндагии ЮНИСЕФ дар Тоҷикистон Хонгвей Гао ба туфайли гранти мазкур, Тоҷикистон метавонад амалисозии ду гранти пешинаро дар ин соҳа идома бахшад.                  Дастгирии молиявӣ дар чаҳорчӯбаи се гранти фонди мазкур имкон медиҳад, ки Тоҷикистон то соли 2012 шароити таҳсилро тавассути сохтмон ва таъмири 75 мактаб, ки дорои 37 ҳазор хонанда мебошанд бехтар гардонида, 110 ҳазор хонандаро бо мебели мактабӣ таъмин намуда, 27 номгӯй китобҳои дарсӣ бо теъдоди 1,6 млн. дона аз чоп бароварда шаванд.