МАҲСУЛОТИ ХУБИ КИШОВАРЗӢ ИСТЕҲСОЛ ШУД

                   Душанбе, 21 декабр.(АМИТ «Ховар», Лаззат Диловарзод).- Тибқи маълумоти маркази матбуот ва иттилооти Вазорати кишоварзӣ, ҳаҷми маҳсулоти умумии кишоварзӣ дар моҳҳои январ – ноябри соли 2009 дар ҳамаи шаклҳои хоҷагидорӣ 7066,1 млн. сомониро (бо нархҳои ҷорӣ) ташкил намуд, ки ин нисбат ба ҳамин давраи соли гузашта 10,8 фоиз зиёд мебошад. Аз ҷумла дар соҳаи растанипарварӣ 5067,8 млн. сомонӣ ё 12, 5 фоиз, чорводорӣ 1998,3 млн. сомонӣ ё ки 66 фоиз афзудааст.                      Бино ба маълумоти ҳамин манбаъ, ҳаҷми маҳсулоти умумии кишоварзӣ дар ҳамаи шаклҳои хоҷагиҳои вилояти Хатлон 3416,8 млн. сомонӣ, вилояти Суғд 1952,9 млн. сомонӣ, ВМКБ 279,6 млн. ва ноҳияҳои тобеи ҷумҳурӣ 1416,8 млн. сомоиро ташкил намуд, ки мутаносибан 12,4 , — 10,1, — 9,9 ва 8, 2 фоиз зиёд аст.