ОМОДАГӢ БА ЗИМИСТОН ДАР СУҒД

                 Душанбе, 23 декабр. (АМИТ «Ховар», Лаззат Диловарзод).- Аҳолии вилояти Суғд зимистони соли 2010 на тариқи мутамарказ ва на тариқи дегҳои бӯғӣ бо гармӣ таъмин мегарданд,- хабар доданд аз маркази гармидиҳии шаҳри Хуҷанд.                 Бино ба гуфти директори «Муассисаи гармидиҳии Хуҷанд» Мӯъминхоҷа Ваҳобов, дар мувозинаи муассисаи мазкур 23 бӯғхона вуҷуд дорад, ки аз онҳо ҳамагӣ ду бӯғхона; — яке дар беморхонаи клиники рақами 1 ва дуюмӣ дар беморхонаи кӯдаконаи вилоятӣ мавриди истифода қарор доранд ва тариқи ангишт кор мекунанд.                   Умуман дар ин вилоят аз 44 бӯғхона ва 167 марказҳои гармидиҳӣ танҳо яке дар ноҳияи Ҷаббор Расулов ва дуюмӣ дар ноҳияи Зафаробод ба кор дароварда шудаанд, ки онҳо барои эҳтиёҷи аҳолӣ ба назар гирифта нашудаанд.