ПАЁМИ ШОДБОШИ ПРЕЗИДЕНТИ РУСИЯ БА УНВОНИ ЭМОМАЛӢ РАҲМОН

                  Маскав, 31 декабр. (АМИТ «Ховар» — кремл.ру). — Президенти Федератсияи Русия Дмитрий Медведев 30 декабр ба муносибати фаро расидани соли нави масеҳӣ ба унвони сарони давлатҳо ва ҳукуматҳои мамолики хориҷӣ барқияҳои шодбош фиристод.                   Дар барқияи ба унвони Президенти Тоҷикистон фиристодаи сардори давлати Русия гуфта мешавад, ки сафари давлатии ба қарибӣ дар Русия анҷомёфтаи Президенти Тоҷикистон ба равнақу ривоҷи муносибатҳо ва вусъати бештари равобити дуҷонибаи ҳар ду кишвар такони тоза мебахшад.                    «Умед аст, ки ба мо дар соли нав амалӣ сохтани паймонҳои ба даст овардаамон ба манфиати густариши минбаъдаи муносибатҳо ва ҳамкории Русия ва Тоҷикистон муяссар хоҳад гашт», — гуфта мешавад дар барқия.