САФИРИ ТОҶИКИСТОН МАРДУМИ ЧИНРО ТАБРИК НАМУД

                 Душанбе, 31 декабр. (АМИТ «Ховар», Наталя Михайлова). — Сафорати Ҷумҳурии Тоҷикистон дар Ҷумҳурии Мардумии Чин мардуми ин мамлакат, дӯстон, ҳамкасбон ва шарикони Тоҷикистонро ба муносибати иди Соли нав табрик намуд. Дар табрикномаи сафорат аз ҷумла гуфта мешавад:                  «Ҷанобон ва хонумҳои мӯҳтарам, дӯстони арҷманди Тоҷикистон!                    Ҳамаи шуморо ба муносибати Соли нави 2010 самимона табрик менамоем. Соли нави 2010 аз рӯи тақвими шарқӣ соли Паланг мебошад. Мувофиқи он дар Соли нав дигаргуниҳои ғайричашмдошт ва мусбатро интизор шудан мумкин аст. Дар Соли нав истеъдодҳои нуҳуфта бедор шуда, одамон ба комёбиҳои нав ноил мегарданд. Шубҳае нест, ки муносибатҳои дӯстона, ҳусни ҳамҷаворӣ ва ҳамкорию равобити доманадори Тоҷикистону Чин дар соли нав бештар ривоҷ хоҳанд ёфт.                   Мо дар Соли нав ба ҳамаи дӯстони Тоҷикистон саломатӣ, барор кор, хушбахтӣ, рӯҳияи идона ва муваффақиятҳои беназир орзумандем».