ҲАМКОРИИ МАКТАБ БО ВОЛИДАЙН СУДБАХШ АСТ.
Душанбе, 29 январ. (АМИТ «Ховар», Лутфишо Додо).- Солҳои охир ҳамкории омӯзгорону волидайни макотиби вилоят хеле қоим гардидаст. Чунон, чи мактаби рақами 12 ноҳияи Рӯшон гирем. Мушкилоти беши мактаб бо имдоди волидайн ҳаллу фасл мегардад. Омӯзгори фанни Информатика Акобиршо Пайшанбиев мегӯяд, ки чун шумораи компютерҳо дар мактаб афзуд, масъалаи ифтитоҳи синфхонаи компютерӣ ба миён омад. Иттиҳодияи волидайн ба хотири таъмири синфхона 2,5 ҳазор сомониро гирд овард. Синфхона дар муддати кӯтоҳ мавриди истифода қарор дода шуд. Синфхона дар фасли зимистон боз ба душвори рӯбарӯ гардид. Иттиҳодияи волидайн аз шаҳри Душанбе як адад генераторо оварда, ба синфхонаи тақдим намуд. Ҳамчунин як нафар волидайн синфхона калонеро, ки бар асари фарсуда буданаш дар он дарс намегузашт, таъмир карда, аз кишвари Чин ба маблағи чор ҳазор доллар лавозимоти варзиширо овард. Наврасон дар ин ҷо гуштингириро машқ мекунанд. Боғи мактаб низ бо имдоди волидайн таъмиру васеъ карда шуд. Ҳоло имконият аст, ки соле аз ин боғ то 700 сомонӣ маблағ вориди бӯҷаи мактаб гардад.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
