БА МАБЛАҒИ 700 МЛН. СОМОНӢ КОРҲО АНҶОМ ЁФТ

                   Душанбе, 22 январ. (АМИТ «Ховар», Лаззат Диловарзод).- Бино ба маълумоти Агентии сохтмон ва меъмории назди Ҳукумати ҷумҳурӣ, дар моҳҳои январ – декабри соли 2009 беш аз 700 млн . сомонӣ дар сохтмони нерӯгоҳҳо, аз ҷумла, — «Сангтӯда — 2» — 165 млн. 656 ҳазор ва НБО «Роғун» — 431 млн. 734 ҳазор сомонӣ сармояи асосӣ азхуд карда шудааст, ки ин нисбат ба ҳамин давраи соли 2008 – 422 млн. 112, 4 ҳазор сомонӣ зиёд аст.                    Бино ба гуфти директори Агентии сохтмон ва меъморӣ А. Комилов, соли 2009 ҳамчунин ба маблағи беш аз 530 млн. сомонӣ дар масоҳати 800 ҳазору 757 метри мураббаъ хонаҳои истиқоматӣ сохта ба истифода дода шудааст, ки ин нисбат ба соли 2008 -148 ҳазору 259 метри мураббаъ зиёд аст.