ДАР ДУШАНБЕ ГУЗАРГОҲҲОИ РӮИЗАМИНӢ СОХТА МЕШАВАНД

Душанбе, 29 январ. (АМИТ «Ховар», Лаззат Диловарзод).- Дар аксари давлатҳои дар ҳолати рушд қарордошта, ки нақлиёти автомобилӣ асоси хизматрасонии коммуналиро ташкил медиҳад, барои бехатарии шаҳрвандон дар гузаргоҳҳо аз роҳҳои дигар кор мегиранд,- иброз дошт директори Агентии сохтмон ва меъмории назди Ҳукумати ҷумҳурӣ Абдувалӣ Комилов. Гузаргоҳҳои рӯизаминӣ дар шакли кӯпрукҳо сохта мешаванд. Ин аст, ки  истифодаи чунин гузаргоҳҳо дар ҷойҳои серодами пойтахт танҳо ба манфиати бехатарӣ рӯи нақшаи ҳукумати шаҳр қарор дорад, ки он барои бехатарии шаҳрвандон ҳангоми убури роҳ дар ҷойҳои нақлиёташон зиёд мусоидат хоҳад кард. Баробари ин, барои сохтмони гузаргоҳҳои зеризаминӣ дар назди мағозаи Китоб,  собиқ «Олами кӯдакон», меҳмонхонаи «Пойтахт» ва бозори «Султони кабир» Ҳукумати шаҳри Душанбе тендер эълон кардааст, — афзуд А. Комилов.