ИН ТАВР ҲАМ МЕШУДААСТ?!
Душанбе, 25 январ. (АМИТ «Ховар» Акрам Ҳаитов) — Майори милиса, муовини сардори шӯъбаи тафтишотии ШКД ноҳияи Бобоҷон Ғаффуров Сафаров Манучеҳр Ниёзович барои ҷавобгарии ҷиноятии шаҳрванд «А» -ро сабук кардан, аз бародари айбдоршаванда бо роҳи тамаъҷӯӣ ба сифати пора 3000 доллари ИМА талаб карда мегирад. Ҳамчунин, ин муфаттиши «хайрхоҳ» барои автомашинаи шаҳрванд «А» -ро ба ҳабс нагузоштан аз ӯ 500 доллари ИМА-ро низ ҳамчун пора мегирад. Аммо, баъд аз чанд муддат парвандаи ҷиноятӣ аз ихтиёри Сафаров М.Н. ба истеҳсоли муфаттиши вилоятӣ дода мешавад. Сафаров Манучеҳр маблағҳои қаблан ба сифати пора гирифтаашро боз гардонида ба айбдоршаванада медиҳад. Тавре ба АМИТ «Ховар» аз Агентии назорати давлатии молиявӣ ва мубориза ба коррупсия иттилоъ доданд, ҳамаи ҳолатҳои дар боло зикршуда, давра ба давра аз ҷониби кормандони фаврии Раёсати Агентӣ дар вилояти Суғд мавриди тадқиқ қарор мегирад ва Сафаров М.Н. дар рӯзи баргардонидани маблағҳои гирифтааш, боздошт карда мешавад. Нисбати Сафаров М. аз тарафи Раёсати Агентӣ дар вилояти Суғд бо моддаи 319 қ.4 парвандаи ҷиноятӣ боз гардида, айни ҳол он барои баррасӣ ба суд равона шудааст.
Доир ба пешгирии бемориҳои сироятӣ ва ғайрисироятӣ ҳамоиш баргузор шуд
Бунёди неругоҳҳои офтобӣ бо иқтидори 1500 мегаватт Тоҷикистонро ба давлати тавлидкунандаи энергияи «сабз» табдил медиҳад
Big Data дар смартфони Шумо: чӣ тавр операторон пешниҳодҳои махсус омода менамоянд?
Соли 2025 кишоварзони шаҳри Турсунзода дар таъмини амнияти озуқаворӣ саҳми арзанда гузоштанд
Имрӯз дар шаҳри Душанбе ҳаво тағйирёбандаи бебориш мешавад
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
