РУШДИ СОҲАИ НАССОҶӢ ВА ДӮЗАНДАГӢ ДАР ТОҶИ

                  Душанбе, 26 январ.(АМИТ «Ховар», Марзия Саидова).- Раванди таҳияи нақшаҳои стратегӣ ва роҳандозии тарҳи ёрӣ ба соҳаи нассоҷӣ ва дӯзандагии Тоҷикистон бо давраи омӯзишии дурӯза рӯзҳои 28 -29 янвраи соли ҷорӣ дар Душанбе оғоз мешавад.                     Давраи омӯзишии мазкур аз ҷониби Маркази байналмилалии тиҷорат (МБТ) бо кӯмаки молии Идораи давлатии Швейтсария дар умури иқтисод (СЕКО) баргузор мешавад.                     Саидмӯъмин Камолов, раҳбари дафтари Маркази байналмилалии тиҷорат дар Тоҷикистон, дар сӯҳбат ба хабарнигори АМИТ «Ховар» гуфт, ки дар давраи омӯзишӣ намояндагони ниҳодҳои давлатӣ, раҳбарони корхонаҳои саноатӣ ва ширкатҳои хадамотрасон, тарроҳони ботаҷриба ва донишмандони соҳа иштирок мекунанд. Саидмӯъмин Камолов, афзуд, ки «МБТ ният дорад, ки тавассути чунин давраҳои омӯзишӣ ба нассоҷону дӯзандагони Тоҷикистон ёрӣ бидиҳад, то идеяву навгониҳои худро дар амал татбиқ намоянд ва ба ин соҳа шукӯҳи қаблияшро баргардонанд.»