ТЕЪДОДИ МАРДИКОРОН ДАР ҲИСОР МЕАФЗОЯД

                   Душанбе, 21 январ.(АМИТ «Ховар», Марзия Саидова).-Тибқи маълумоти оморӣ алҳол беш аз 10 ҳазор сокинони ноҳияи Ҳисор дар муҳоҷирати меҳнатӣ дар Федератсияи Русия, Ҷумҳурии Қазоқистон ва дигар давлатҳо қарор дошта, танҳо дар соли 2009 аз ҷониби муҳоҷирони меҳнатӣ ба ноҳия наздики 30 миллион доллари америкоӣ, 370 миллион рубли русӣ ва беш аз 60 ҳазор Евро тавассути бонкҳо интиқол дода шудааст.                      Теъдоди умумии муҳоҷирони меҳнатии дохилӣ дар ноҳия аз ҳисоби мардикорони минтақаҳои дигари ҷумҳурӣ наздики 300 нафарро ташкил медиҳанд, ки аслан ба корҳои мавсимӣ ва сохтмону боркашонӣ машғуланд.