ҶАМЪИЯТҲОИ МИЛЛӢ САҲМИЯҲОИ РОҒУНРО МЕХАРАНД
Душанбе, 9 феврал. (АМИТ «Ховар», Людмила Дубинина). — Ҷамъияти тоторҳои сокини Тоҷикистон – «Умет» дар маҷлиси навбатии худ қарор дод, ки саҳмияҳои НБО «Роғун» — ро харидорӣ кунад. Аъзои ҷамъияти мазкур Мухлиса Минғозова, Ляля Латипова ва Фариза Сирумова аввалин шуда, ба маблағи 1100 сомонӣ саҳмия хариданд. Ҷамъияти тоторҳои сокини Тоҷикистон ба қарибӣ дар Вазорати адлияи ҷумҳурӣ ба қайд гирифта шуд. Аъзои ҷамъият дар ин муддати кӯтоҳ тадбирҳои гуногунро амалӣ сохтанд. Аз ҷумла, дар мавзӯи «Таърих ва аҳамияти эҷодиёти Саид Қулшариф» машварат гузаронида, бо донишҷӯёни тоҷик, ки дар мактабҳои олии Ҷумҳурии Тотористони Федератсияи Русия таҳсил мекунанд мулоқот ташкил карда шуд. Раиси ҷамъият Ренат Сайфиддинов ба мухбири АМИТ «Ховар» гуфт, ки имсол бахшида ба 65 – солагии ғалабаи халқҳои шӯравӣ дар Ҷанги Бузурги Ватанӣ тадбирҳои гуногун ба нақша гирифта шудаанд. Аз ҷумла, барои поси хотири Қаҳрамони Иттиҳоди Шӯравӣ, шоири бузурги тотор Мӯсо Ҷалил шабнишинӣ ташкил карда хоҳад шуд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
