65 ДАРСАДИ ИНТИХОБКУНАНДАГОН РАЪЙ ДОДАНД

           Душанбе, 28 феврал. (АМИТ «Ховар», Бекназари Абӯбакр). — То соъати 14:00 ҳудуди 64,6 дарсади раъйдиҳандагон дар саросари кишвар ба интихоботи порлумонӣ ва маҷолиси маҳаллӣ иштирок намуданд.           Тибқи иттилои Комиссияи марказии интихобот ва раъйпурсӣ, дар вилояти Суғд шумораи афроди раъйдода то ин вақт 65,6 дарсад, дар вилояти Хатлон 68,4 дарсад, дар Вилояти Мухтори Кӯҳистони Бадахшон 65,7 дарсад, дар Душанбе 60,4 дарсад ва дар ноҳияҳои тобеи марказ 59,4 рост меояд.            Гуфтанист, ки Комиссияи марказии интихобот ва раъйпурсӣ дар соати 12:00 интихоботи порлумонӣ ва маҷолисҳои маҳаллӣ дар Тоҷикистонро «баргузоршуда» эълом кард, зеро то ин вақт беш аз 50 дарсади интихобкунандагон орои худро ба сандуқ рехта буданд.              Ёдовар мешавем, ки раъйдиҳӣ аз соати 6 субҳ оғоз шуда, то соати 20:00 идома мекунад.