БА 194 КИШВАР НОМАҲО РАСОНИДА МЕШАВАД

Душанбе, 5 феврал. (АМИТ «Ховар», Лаззат Диловарзод).- Дар корхонаи воҳиди давлатии «Почтаи тоҷик» ба мухбири АМИТ «Ховар» иттилоъ доданд, ки имрӯзҳо КВД «Почтаи тоҷик» ба 194 давлати дунё мубодилаи почтаро ба роҳ мондаст. Танзимгари миллӣ — КВД «Почтаи тоҷик» муросилоти шаҳрвандони Тоҷикистонро беосеб  ба 194 давлати дунё расонида метавонад ва инро кафолат медиҳад.  «Почтаи тоҷик» хизматрасониро аз қабили: қабул, дастрас намудани мактубҳо, бастаҳо, равонакҳо чӣ ба дохили кишвар ва чӣ ба хориҷи он  дар кӯтоҳтарин мӯҳлат ба ҷо меорад. Хизматрасонии почтаи  фаврии КВД «Почтаи тоҷик» нисбат ба хизматрасонии ширкатҳои DHL ва  UPS хеле арзон ва барои ҳамаи табақаҳои  аҳолӣ қулай мебошад.