БА АДИБОН МУКОФОТҲО СУПУРДА ШУД

Қӯрғонтеппа, 2 феврал. (АМИТ «Ховар», Мурод  Сотиев). – Дар шаҳри Қӯргонтеппа ба шоир ва нависандагон барои беҳтарин асарҳои офарида мукофотҳо супурда шуд. Соли 2009 тибқи қарори раиси вилояти Хатлон Ғайбулло Авзалов бо мақсади дастгирии аҳли қалам ва баланд бардоштани сатҳи ғоявӣ ва эҷодии аҳли қалами вилоят ҷоизаҳои ба номи Носири Хусрав ва Шамсиддин Шоҳин таъсис дода шуда буд. Бояд қайд кард, ки дар ин муддат аҳли қалами вилоят баҳри баланд бардоштани фарҳанги кӯҳан асарҳои зиёде эъчод кардаанд. Дар асоси хулосаи хакамон нависанда Саид Раҳмон барои асари «Масъуди сипаҳсолор» дар соҳаи насри адабӣ сазовори мукофоти ба номи Носири Хусрав гардид. Шоири Хатлонӣ Усмон Билолӣ бошад барои маҷмӯаи «Сад шукри Рӯдакӣ» дар соҳаи назм сазовори ҷоизаи ба номи Шамсиддин Шоҳин гаштанд.