CОХТМОНИ НБО — И «САНГТӮДА-2» БОСУРЪАТ ИДОМА ДОРАД

Душанбе, 18 феврал. (АМИТ «Ховар», Жасмин Назарова). – Тавре аз Вазорати энергетика ва саноати Ҷумҳурии Тоҷикистон ба мухбири АМИТ «Ховар» иттилоъ доданд, дар сохмони НБО «Сангтӯда-2» аз ҷониби Тоҷикистон то моҳи феврали соли 2010 – 103 млн. 291 ҳазору 980 сомонӣ аз ҷумла 51млн. 375 ҳазору 751сомонӣ аз ҳисоби маблағҳои буҷетӣ ва 51млн. 916 ҳазору 229 сомонӣ,  аз ҳисоби ШСХК «Барқи Тоҷик» аз худ карда шуд. Мутобиқи «Созишнома», ҷониби Тоҷикистон бояд аз оғози сохтмон то охири моҳи октябри соли 2009 ба миқдори 32 млн. доллари ИМА пардохт менамуд. Мувофиқи ҳисоботи Ширкати лоиҳакашии «Сангоб»  (ҶИЭ) маблағҳои то моҳи январи соли ҷорӣ пардохтгардида 29 млн. 198 ҳазору 727 доллари ИМА-ро ташкил намуда, қисми боқимондаи пардохтнагардидаи маблағҳо дар ин давра ба миқдори 2 млн. 801 ҳазору 272 доллари ИМА баробар мебошад. Маблағҳои сафарбарнамудаи ҷониби Эрон дар бунёди нерӯгоҳ то имрӯз 122 млн. 864 ҳазору 453 доллари ИМА ва 8,7 млн. евро, аз ҷумла аз тарафи «Бонки тавсеоти содиротӣ» (ҶИЭ) — 86 млн. 813 ҳазору 648 доллари ИМА ва Ширкати лоиҳакашии «Сангоб» — 36 млн. 050 ҳазору 805 доллари ИМА ва 8 млн. 708 ҳазору 180 евроро ташкил менамоянд.  «Дар сохтмони иншооти НБО «Сангтӯда-2» иҷрои ҳамаи корҳо 60,59 фоиз, аз ҷумла корҳои сохтмонии лоиҳа 68,47 фоизро ташкил менамояд» — иттилоъ доданд дар Вазорати энергетика ва саноати Ҷумҳурии Тоҷикистон.