ДАР ҶСК “СОҲИБКОРБОНК” МАЪМУРИЯТИ МУВАҚҚАТӢ ҶОРӢ КАРДА ШУД
Душанбе, 11 феврал. (АМИТ «Ховар», Покиза Маҳмадбекова). – Аз рӯи иттилоъи маркази матбуоти Бонки миллии Тоҷикистон БМТ) имрӯз (11.02. с.2010) бо Қарори Раёсати Бонки миллии Тоҷикистон дар ҶСК “Соҳибкорбонк” маъмурияти муваққатӣ ба мӯҳлати шаш моҳ ҷорӣ гардид. Қарори мазкур аз ҷониби Раёсати Бонки миллии Тоҷикистон тибқи моддаи 49-и Қонуни Ҷумҳурии Тоҷикистон “Дар бораи Бонки миллии Тоҷикистон” бинобар аз тарафи ҶСК “Соҳибкорбонк”бо зарар анҷом додани фаъолияташ дар соли 2009, манфӣ будани сармояи танзимшавандаи он ва бо мақсади пешгирӣ кардани муфлисшавии бонк қабул карда шуд. Аз рӯзи қабули Қарори номбурда ҳамаи ҳуқуқу ваколатҳои ташкилоти қарзӣ (кредитӣ) боз дошта мешаванд, аз ҷумла он ҳуқуқу ваколатҳое, ки саҳмиядор, амонатгузор ё кормандони роҳбарикунандаи ташкилоти қарзӣ (кредитӣ) доранд, ба маъмурияти муваққатӣ дода мешаванд. Кормандони роҳбарияти ташкилоти қарзӣ (кредитӣ) барои монеъ шудан ба додани ҳамаи ҳуқуқҳо ба мудири маъмурияти муваққатӣ ё иҷрои ин ҳуқуқҳо аз тарафи вай ҳақ надоранд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
