ДАР ХУҶАНД ДУ МАКТАБИ НАВИ ОЛӢ КУШОДА МЕШАВАД

Душанбе,  11  феврал. (АМИТ «Ховар», Покиза  Маҳмадбекова). —  Президенти  Ҷумҳурии  Тоҷикистон  Эмомалӣ  Раҳмон  10  феврал дар  маҷлиси  Ҳукумат ба  вазорату  идораҳои  дахлдор  супориш  дод, ки  суръати  сохтмони  НБО «Роғун»  тезонида,  дар баробари ин  ба  сифати кор   ва  истифодаи  сарфакоронаи  масолеҳи  сохтмон  диққати  асосӣ  дода шавад. Зикр  шуд, ки  айни  ҳол дар  сохтмони  ин  нерӯгоҳ  7200 коргар, 630  мошину  механизм ва  59  ташкилоти  сохтмон иштирок дорад.  Аз  ин  ҷумла,  10  ташкилоти  сохтмонӣ  аз  Федератсияи  Русия  мебошад. Инчунин мувофиқи қарори  дар  ҳамин  маҷлис  қабулнамудани  Ҳукумати  Ҷумҳурии  Тоҷикистон  дар  шаҳри  Хуҷанд  мактабҳои нави  олӣ — Донишкадаи  политехникии  Донишгоҳи  техникии  ба  номи  М.Осимӣ ва донишкадаи  иқтисод ва  савдои   донишгоҳи  мазкур   кушода  хоҳанд  шуд. Ғайр  аз ин   дар  ин  ҷо  корхонаи  воҳиди  давлатии  «Экспедитсияи  ҷустуҷӯи  геологии  ашёи  хоми  радиоактивӣ»  ташкил  карда  мешавад.