ХАРИДОРИИ САҲМИЯҲО ДАР ШАҲРИ ВАҲДАТ

Ваҳдат, 18 феврал.(АМИТ «Ховар», Зебо Давлатова). – Тавре ки директори Кооперативи истеҳсолии ба номи А.Кенҷаев, Муродалӣ Маҳмадалиев зимни сӯҳбат ба хабарнигори АМИТ «Ховар» иттилоъ дод, хоҷагидорони коопертиви мазкур соли гузашта 1095 тонна ғалла,  420 тонна сабзавот, 168 тонна картошка истеҳсол карданд.  «Албатта ин нишондодҳо барои кооперативи истеҳсолии мо қаноаткунанда нест, бинобар ҳамин ният дорем, ки имсол бо истифода аз имкониятҳои мавчуда истеҳсоли сабзавоту ғалларо афзун намоем», мегӯяд М.Маҳмадалиев. Кормандони кооперативи истеҳсолии ба номи А.Кенҷаев ба маблағи 20 ҳазор сомонӣ саҳмияҳои НБО «Роғун»- ро харидорӣ карда дар баробари дигар сокинони мамлакат дар ин иншооти миллӣ сахҳми худро гузоштанд. Бояд гуфт, ки сокинони ҷамоати деҳоти ба номи Бурунови ноҳтят Ваҳдат то имрӯз ба маблағи зиёда аз 300 ҳазор сомонӣ саҳмияҳои НБО Роғунро  харидорӣ карданд.