ИНТИХОБОТ — МАЪРАКАИ МУҲИМ

Февраль 11, 2010 16:04

Ҳисор, 11 феврал. (АМИТ «Ховар», Ҳотам Рабиев).-Ҷараёни омодагӣ ба интихоботи Маҷлиси намояндагон ва Маҷлиси маҳаллии вакилони халқӣ дар яке аз ноҳияи калонтарини мамлакат – ноҳияи Рӯдакӣ низ бо ҷӯшу хӯруш идома дорад. Дар ноҳияи мазкур ду ҳавзаи интихоботӣ: рақами 8 ва 9, ки бештар аз 174 ҳазору 235 нафар интихобкунанда дорад, ба интихобот пурра омодаанд. Ҳамаи участкаҳои интихоботӣ бо кабинаҳои овоздиҳӣ, қуттиҳои махсус, дастуру ҳуҷҷатҳои лозимӣ ва дигар маводи зарурӣ таъмин мебошанд. Аъзоёни комиссия барои баланд бардоштани сатҳи маълумоти даркорӣ доир ба интихобот, дар семинарҳои омӯзишӣ иштирок намудаанд. Алҳол вохўрии номзадҳо ба Маҷлиси намояндагони Маҷлиси Олии Ҷумҳурии Тоҷикистон дар ҳамаи участкаҳои интихоботӣ идома дорад. Лозим ба ёдоварист, ки аз ҳавзаи рақами 8-и шаҳраки Сомониёни ноҳияи Рӯдакӣ вохӯрии номзадҳо Галия Рабиева, Нурулло Халилов, Абдурашид Ҳакимов, Тағоймурод Куганов, Ниёзбек Алибеков, аз ҳавзаи рақами 9 муштарак ба ноҳияи Варзоб  Давлаталӣ Давлатзода, Муҳамадалӣ Ҳаитов, Нуралӣ Ғаффоров, Шамъигул Раҷабова, Аслам Фозилов бо интихобкунандагон мунтазам идома дорад. Тавре муовини раиси ноҳияи Рӯдакӣ Мавҷуда Бобоева ба хабарнигори  Агентии миллии иттилоотии Тоҷикистон «Ховар» зимни сӯҳбат иброз дошт, тамоми мардуми ноҳияи Рӯдакӣ ба ин маъракаи муҳими сиёсӣ ва тақдирсоз омодагии ҳаматрафа дида, дар рӯзи интихобот мутташаккилона ва бо рӯҳияи баланди  ватандӯстӣ ширкат хоҳанд кард.

Февраль 11, 2010 16:04

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд