МУЛОҚОТИ ВАЗИРОНИ МОЛИЯИ ИДМ
Душанбе, 26 феврал. (АМИТ «Ховар», Покиза Маҳмадбекова). — 25 феврал дар Маскав маҷлиси навбатии Шӯрои фонди зиддибӯҳронии Ҷомеаи иқтисодии Евразия баргузор гардид. Дар маҷлис масъалаи истифодаи маблағҳои муваққатан сарфнашудаи фонд муҳокима карда шуданд. Мухбири АМИТ «Ховар» хабар медиҳад, ки маблағҳои боқимондаи фонди зиддибӯҳронӣ 863 миллион доллари ИМА – ро ташкил медиҳанд. Дар маҷлис тартиби додани қарз аз ҳисоби маблағҳои фонд тасдиқ карда шуд. Тибқи тартиби муқарраршуда ба мамлакатҳои даромадашон ночиз камаш 10 миллион доллар ва ба мамлакатҳои дараҷаи даромадашон миёна камаш 30 миллион доллари ИМА қарз дода мешавад. Ҷумҳурии Қирғизистон ба фонди мазкур барои гирифтани қарз ба маблағи 160 миллион доллари ИМА ариза дод. Аризаи Қирғизистон дар гурӯҳи коршиносони фонд ва Бонки рушди Евразия муҳокима карда мешавад. Инчунин Арманистон ва Белорусия низ ният доранд, ки аз фонди зиддибӯҳронӣ қарз гиранд. Дар маҷлиси Шӯрои фонди зиддибӯҳронии Ҷомеаи иқтисодии Евразия вазири молияи Тоҷикистон Сафаралӣ Наҷмиддинов иштирок дошт. Маҷлиси ояндаи фонд моҳи апрели соли 2010 баргузор мегардад. Дар он аризаҳо барои гирифтани қарз, инчунин масъалаҳои ҷории фаъолияти фонд муҳокима карда мешаванд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
