МУСОБИҚАИ ҲАРБИ-ВАРЗИШИИ «ҲОМИИ ВАТАН»

 Суғд, 19 феврал. (Самад Юсуфӣ,Мирзалӣ Амонов).-Тибқи нақшаи чорабиниҳои Раёсати ҷавонон, варзиш ва сайёҳии вилояти Суғд бо мақсади тарбия намудани ҷавонон дар руҳияи ватанпарастию ифтихори миллӣ, ҷалби ҷавонон ба варзиш, тақвими ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои ҷумҳуриявӣ, байналмилалӣ дар соли 2010 аз санаи 6 то 18 феврали соли 2010 дар варзишгоҳи «Чавгонбозӣ» — и маркази вилоят мусобиқаи ҳарби-варзишии «Ҳомии Ватан» бахшида ба 17-солагии  таъсисёбии Қувваҳои Мусаллаҳи Ҷумҳурии Тоҷикистон баргузор гардид.  Бояд қайд намуд, ки имрӯз мусобиқаи ҳарби-варзишии «Ҳомии Ватан» бо иштироки сардори Раёсати ҷавонон, варзиш ва сайёҳии вилояти Суғд Рустамҷон Ғиёсов ҷамъбаст гардида, ғолибони мусобиқа муайян гардиданд: ҷои якум насиби дастаи Раёсати вилоятии Кумитаи амнияти миллии Ҷумҳурии Тоҷикистон, ҷои дуюм насиби дастаи Раёсати корҳои дохилии вилояти Суғд ва ҷои сеюм насиби ташкилоти ҷамъиятии мададгори мудофиаи вилояти Суғд гардид.    Аз ҷониби Раёсати ҷавонон, варзиш ва сайёҳии вилояти Суғд ба ғолибони мусобиқа тӯҳфаю ифтихорномаҳо қадрдонӣ карда шуданд.