МУСОБИҚАИ ВИЛОЯТӢ ОИД БА ФУТБОЛИ ХУРД ҶАМЪБАСТ ГАРДИД
Сугд, 28 феврал.(АМИТ «Ховар», Самад Юсуфӣ, Мирзалӣ Амонов).- Раёсати ҷавонон, варзиш ва сайёҳии вилояти Суғд дар асоси нақшаи чорабиниҳои худ бо мақсади тарбия намудани ҷавонон дар рӯҳияи ватанпарастию ифтихори миллӣ, ҷалби ҷавонон ба варзиш аз санаи 20 то 25 феврали соли 2010 дар варзишгоҳи «Чавгонбозӣ»-и шаҳри Хуҷанд мусобиқаи вилоятӣ оид ба футболи хурд байни дастаҳои мактабҳои олӣ ва миёнаи махсуси вилоят бахшида ба Соли маориф ва фарханги техникӣ» баргузор гардид. Дар мусобиқаи мазкур Сардори Раёсати ҷавонон, варзиш ва сайёҳии вилояти Суғд Рустамҷон Ғиёсов иштирок намуда, афзуд, ки Раёсати ҷавонон, варзиш ва сайёҳии вилоят тасмим гирифтааст, ки ҳар моҳ байни дастаҳои мактабҳои олӣ ва миёнаи махсуси вилоят як намуди мусобиқа ба нақша гирифта шуда, баргузор мегардад. Тули панч рӯз дастаҳои мактабҳои олӣ ва миёнаи махсуси вилоят байни ҳам қувваозмоӣ намуда, ниҳоят ба даври финалӣ расиданд. Ҷои аввал насиби Донишгоҳи давлатии Хуҷанд ба номи академик Бобоҷон Ғафуров, ҷои дуюм насиби Донишгоҳи кӯҳи-металлургии шаҳри Чкалов, ҷои сеюм насиби филиали Хуҷандии Донишгоҳи технологии Тоҷикистон гардид. Бояд тазаккур дод, ки ҳамаи голибон ва ҳар як ҳайати даста бо диплому медалҳои Раёсати ҷавонон, варзиш ва сайёҳии вилоят қадрдонӣ карда шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






