НАТИҶАҲОИ МУСОБИҚАИ БАЙНАЛМИЛАЛИИ ШОҲМОТБОЗОН

Душанбе,  19  феврал. (АМИТ «Ховар»,  Пайрав  Назаров). —  Дар  пойтахти  Русия  мусобиқаи  9 – уми кушоди  байналмилалии  шоҳмотбозон ба охир  расид, ки ташкилкунандаи он «Аэрофлот» мебошад.  Аз  Тоҷикистон  дар  мусобиқаи  мазкур  шоҳмотбозон  Фаррух  Амонатов ва  Соҳиб  Ҷӯраев  иштирок  намуданд. Ф.Амонатов  аз 9  холи  имконпазир  5  хол ба  даст  оварда, ҷои  37 – умро  ишғол  намуд. С.Ҷӯраев  бо  3  хол  дар  байни  66  иштирокчии  мусобиқа  ҷои  62 –юмро  ишғол  кард. Дар  гурӯҳи «А-1», ки  Ф.Амонатов ба он  шомил  гардида  буд,  шоҳмотбози  ветнамӣ Ле Куанг  ҷои  аввалро  ишғол  намуд.  Дар гурӯҳи «А-2», ки   Соҳиб  Ҷӯраев  дар он  бозӣ  мекард, шоҳмотбози  рус  Алексей  Придорожний  ғолиб  омад.