ПЕШГӮИИ БОДУ ХАВО АЗ 2 ТО 6 ФЕВРАЛ

Душанбе, 2 феврал. (АМИТ «Ховар», Жасмин Назарова). –Муассисаи давлатии обуҳавошиносии кишвар аз 2 то 6  феврали соли ҷорӣ ҳавои тағйирёбанда пешбинӣ кардааст. Бар асоси пешгӯии ин марказ обу ҳаво дар вилояти Хатлон аз 2 то 4 феврал тағйирёбандаи бебориш буда, рӯзҳои 5-6 феврал  дар  баъзе  ноҳияҳо  борон  меборад. Ҳарорати ҳаво дар водиҳо шабона то 5 дараҷа гарм, рӯзона аз 13 то 18 дараҷа  гарм мебошад. Дар доманакӯҳҳо шабона то 4 дараҷа гарм, рӯзона то 9 дараҷа гарм мешавад. Инчунин дар вилояти Суғд 2 феврал ҳавои тағйирёбандаи бебориш дарназар аст. Рӯзҳои оянда дар водиҳо борон, дар кӯҳҳо барф меборад. Ҳарорати ҳаво дар водиҳо шабона то 5 дараҷа гарм, рӯзона то 12 дараҷа гарм, дар кӯҳҳо шабона то -9 дараҷа хунук, рӯзона то 3 дараҷа гарм мешавад. Дар ноҳияҳои тобеи ҷумҳурӣ низ аз 2 то 4 феврал ҳавои тағйирёбандаи бебориш мебошад. Рӯзҳои 5-6 феврал дар баъзе ноҳияҳо бориш мешавад. Ҳарорати ҳаво то 14 дараҷа гарм, дар кӯҳҳо шабона то 12 дараҷа хунук, рӯзона то 2 дараҷа гарм мешавад. Дар вилояти Мухтори Кӯҳистони Бадахшон ҳарорати ҳаво дар ғарби вилоят шабона то 7 дараҷа хунук, рӯзона то 4 дараҷа гарм мешавад. Дар шарқи вилоят шабона то 21 дараҷа ва рӯзона то 9 дараҷа хунук мешавад.