РАИСИ КИ ИДМ КАЙ БА ДУШАНБЕ МЕОЯД?

Февраль 3, 2010 13:46

Душанбе, 3 феврал.(АМИТ «Ховар», Марзия Саидова).-Шоми 3 феврал ҳайате аз нозирони Иттиҳоди Давлатҳои Мустақил /ИДМ/ бо мақсади  мушоҳида аз ҷараёни омодагӣ ва  баргузории интихоботи парлумонӣ дар Тоҷикистон ба Душанбе меоянд. Дар ин хусус роҳбари дастгоҳи Комиссияи марказии интихобот ва райъпурсии ҷумҳурӣ Муҳибулло Додоҷонов иттилоъ дод. Ин ҳайат аз нозирони дарозмуддат иборат буда, то натиҷагирӣ аз ҷараёни  баргузории интихоботи парлумонӣ дар Тоҷикистон фаъолият менамоянд. Онҳо баъди гирифтани шаҳодатномаи нозирӣ бо масъулини Комиссияи марказии интихобот ва райъпурсии ҷумҳурӣ, намояндагони аҳзоби сиёсӣ, иттиҳодияҳои ҷамъиятӣ ва ВАО дидору мулоқот менамоянд. Инчунин, ба ҳавзаю қитъаҳои интихоботии минтақаҳои гуногуни Тоҷикистон сафар карда,  бо ҷараёни омодагӣ ба ин маъракаи муҳими сиёсӣ шинос мешаванд. Алҳол, дар Тоҷикистон ҳайати нозирони дафтари ниҳодҳои демократӣ ва ҳуқуқи инсони Созмони амнияту ҳамкории Аврупо ба фаъолият шурӯъ кардааст.  Ҳамзамон, ташрифи ҳайати нозирон аз Созмони Ҳамкории Шанхай дар назар аст. Интизор меравад, ки то рӯзҳои баргузории интихоботи парлумонӣ  Раиси Кумитаи иҷроия – котиби иҷроияи ИДМ Сергей Лебедев ҳамчун роҳбари ҳайати нозирони ИДМ ба Душанбе меояд. Дар маҷмӯъ беш аз 150 нафар нозирони ИДМ ҷараёни баргузории интихоботи парлумониро дар Тоҷикистон мушоҳида менамоянд.

Февраль 3, 2010 13:46

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд