РОҲҲОИ РУШДИ МАБЛАҒГУЗОРИИ МУАСИСАҲОИ МОЛИЯВИИ МАМЛАКАТҲОИ ИСЛОМӢ
Душанбе, 25 феврал.(АМИТ «Ховар», Марзия Саидова).- Роҳҳои рушди муассисаҳоии молиявии мамлакатҳои исломӣ» таҳти чунин унвон 11 марти соли 2010 дар меҳмонхонаи RIXOS- Алмаато конфронси байналмилалӣ баргузор мегардад. Ин чорабинӣ дар доираи Форуми молиявии Қазоқистон, ки ҳамасола- аз соли 2006 гузаронида мешавад, ташкил карда шуда, яке аз калонтарин чорабиниҳо дар соҳаи бозори молиявӣ мебошад. Интизор меравад, ки дар конфронс беш аз 200 нафар намояндагони институтҳои молиявии Қазоқистон, ширкатҳо ва мақомоти марбутаи давлатӣ ширкат менамоянд. Аз Сафорати Ҷумҳурии Қазоқистон дар Ҷумҳурии Тоҷикистон ба АМИТ «Ховар» иттилоъ доданд, ки конфронс бо дастгирии Маркази минтақавии молиявии шаҳри Алмаато ва Ассотсиатсияи молияшиносони Қазоқистон гузаронида мешавад. Дар назар аст, ки дар ҷараёни конфронс иштирокдорони он масъалаҳои марбут ба роҳҳои рушди маблағгузории давлатҳои исломӣ, таҷрибаи рушди бахши муассисаҳои исломӣ, таҷрибаи давлатҳои гуногуни мусулмонӣ, дурнамои рушди маблағгузории муассисаҳои молиявии Қазоқистон ва давлатҳои Иттиҳоди Давлатҳои Мустақил /ИДМ/ баррасӣ мегарданд. Дар конфронс ҳамчунин, намояндагони институтҳои молиявии Қазоқистон, Русия, давлатҳои ИДМ, Шарқи Наздик ва Осиё, ки ҷанбаъи фаъолияти худро ба рушди маблағгузорӣ равона намудаанд, иштирок менамоянд. Ҳамчунин, дар доираи конфронс расми анъанавии супоридани мукофоти солонаи Invetfunds AVARDS ва Cbonds AVARDS, ки ҳамасола ба роҳбарони бозорҳои молиявии Қазоқистон ихтисос дода шудааст, супорида мешавад.
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
Дар Суғд ғолибони даври вилоятии озмунҳои ҷумҳуриявӣ муайян гардиданд
Имрӯз дар Тоҷикистон чангу ғубор боқӣ мемонад
Дар Ҳисор дар мавзуи муқовимат ба коррупсия конфронси илмӣ доир гардид
Ҷалби ташкилоти хориҷӣ ба Форуми байналмилалии «Dushanbe Invest 2025» баррасӣ гардид
