САФОРАТ МАЪЛУМОТИ ВАО – РО БЕПОЯ ХОНД

Душанбе, 26 феврал. (АМИТ «Ховар», Лаззат Диловарзод).- Дар   сафорати Федератсияи Русия дар Тоҷикистон иттилооти      паҳн намудаи рӯзномаҳои мустақилро оид ба бесифат ва ғайристандартӣ ворид намудани 68 ҳазор тонна орди гандум, ки моҳҳои август – октябри соли 2009 ҳамчун кӯмаки башардӯстона ба Ҷумҳурии Тоҷикистон   Вазорати ҳолатҳои фавқулоддаи Русия интиқол додаст,  бепоя хонданд. Бино ба гуфти кормандони масъули маркази матбуотии сафорат, бо супориши Ҳукумати ФР дар моҳҳои август – октябри соли 2009 барои расонидани кӯмаки башардӯстона ба Ҷумҳурии Тоҷикистон 7347 тонна орди гандум интиқол дода шудааст.  Масъулияти назорати миқдор ва сифати бор ба гардани намояндагони Палатаи савдо ва саноати ФР гузошта шуда, бор бо сертификати сифат ва сертификати фитосанитарӣ вориди Тоҷикистон гардонида шудааст. Миқдору сифати бор дар ҶТ аз тарафи намояндагони Агентии захираҳои давлатӣ ва Палатаи савдои Тоҷикистон бе ягон эътироз кабул шудааст. Сафорат инро як чизи хаёлии бофтаи ВАО хонд ва хоҳиш менамояд, ки чунин чизҳои ғаразноки   муносибатҳои дӯстонаи ҳарду давлатро халалдоркунанда     набояд дар ҳарду давлат  матбуотӣ шаванд.