ТАКМИЛИ МАҲОРАТИ КОРМАНДОНИ СОҲАИ ТИБ

Душанбе, 5  феврал. (АМИТ «Ховар»,  Ибодат  Давлатова). —  Донишкадаи  давлатии  тиббии  такмили  маҳорати  кормандони  соҳаи  тиб  ҳамроҳи   Донишкадаи  давлатии  такмили  маҳорати  кормандони  соҳаи  тиббӣ Алмаато  ва  Маркази   таълимии  тибби оилавии  Тоҷикистон  бо  кӯмаки  молиявии  Созмони   байналмилалии  такмили  маҳорат ва   ҳамкории  Ҷумҳурии  Федероли Олмон мутахассисонро  барои  таҳсил   дар  курси  кӯтоҳмуддати  минтақавии  ғоибона  бахшида ба   табобати  бемориҳои  ВИЧ/СПИД  даъват  менамояд. Аз  дафтари  матбуоти  Вазорати тандурустии  ҷумҳурӣ  ба  АМИТ «Ховар»  хабар  доданд, ки  ба  курси  мазкур духтурони бемориҳои гуногун интихоб  карда  мешаванд. Таҳсил  дар  ин  курс  чор  моҳ  давом  мекунад. Семинар бахшида  ба оғози  таҳсил  18 – 19  март  ва  семинари  хотимавӣ  рӯзҳои  21  — 22  июн  дар  шаҳри  Бишкек  баргузор  мегарданд.