ТАСВИБИ СОЗИШНОМАИ КӮМАКИ МУТАҚОБАЛА ЗИМНИ ФАЛОКАТҲОИ ТАБИӢ
Душанбе, 28 феврал. (АМИТ «Ховар», Наталя Михайлова). — Думаи давлатии Федератсияи Русия 26 феврал созишномаи давлатҳои аъзои Созмони ҳамкории Шанхайро дар бораи расонидани кӯмак ба ҳамдигар зимни бартараф сохтани оқибати фалокатҳои табиӣ ва вазъияти ғайричашмдошт ба тасвиб расонид. Ҳамин тариқ созишномаи мазкурро ҳамаи давлатҳои аъзои СҲШ ба тасвиб расониданд. Мувофиқи ҳуҷҷат мамлакатҳои аъзои созмон ба ҳамдигар дар мавриди бартараф сохтани вазъияти фавқулодда кӯмак расонида, тартиби ҳамлу нақли молро ба воситаи қаламравашон бо мақсади расонидани кӯмак ба мамлакатҳои дигар то ҳадди имкон осонтар месозанд. Мухбири АМИТ «Ховар» ёдовар мешавад, ки Созмони ҳамкории Шанхай айни ҳол 6 давлатро муттаҳид месозад. Ҳиндустон, Эрон, Муғулистон ва Покистон дар он мақоми мушоҳид доранд, Белорусия ва Шри – Ланка бо созмони мазкур муносибатҳои ҳамкорӣ ба роҳ мондаанд. Масоҳати умумии мамлакатҳои аъзои СҲШ 30 миллион километри мураббаъ ва шумораи аҳолии онҳо аз чор як қисми аҳолии сайёраро ташкил медиҳанд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






