ҶАВОНДУХТАРОНИ ХУҶАНД ФАЪОЛАНД

Суғд, 5 март. (АМИТ «Ховар», Мирзалӣ Амонов).-Аз 1 то 7-уми марти соли равон дар толори варзишии «Юбилейни»-и шаҳри Хуҷанд, бахшида ба 20 солагии Истиқлолияти давлатии Ҷумхурии Тоҷикистон ва Соли маориф ва фарҳанги техникӣ бо ибтикори раёсати Кумитаи ҷавонон, варзиш ва сайёҳӣ дар вилояти Суғд аз рӯи 3 намуди варзиш — тенниси рӯи миз, гӯштини тарзи озод ва дзюдо мусобиқа баргузор шуда истодааст. Дар сабқат ҷавондухтарон ва ҷавонписарон аз шаҳру ноҳияҳои Ашт, Конибодом, Спитамен, Хуҷанд ва Қайроққум ширкат доранд. Ҳадаф аз баргузории мусобиқа дарёфти чеҳраҳои нав, пешрафти варзиш ва дӯстию рафоқат байни наврасон мебошад. Дирӯз натиҷаи намуди варзиши тенниси рӯи миз байни ҷавондухтарон ҷамъбаст гардид. Ҷои аввал насиби Хуҷанд-1, ҷойҳои 2-юм ва 3-юмро ҷавондухтарони ноҳияи Спитамен ва шаҳри Қайроққум ишғол намуданд. Намуди гӯштини тарзи озод аз 4-ум  то 7-уми март идома меёбад.