321 КОРХОНА КОР НАКАРД

Душанбе,  19 март. (АМИТ «Ховар», Покиза  Маҳмадбекова). – Мухбири  АМИТ «Ховар»  дар  асоси  маълумоти  Агентии  омори  назди  ҳукумати  ҷумҳурӣ  хабар  медиҳад, ки  дар  миқёси  мамлакат  дар  давоми  моҳҳои январу  феврали  соли  равон  ба  маблағи  1153, 9  миллион   сомонӣ,  аз  ҷумла дар  корхонаҳои тобеи  вазорати  энергетика ва  саноат ба  маблағи  321,5  миллион  сомонӣ маҳсулоти  саноатӣ  истеҳсол  карда  шуд,  ин  нисбат ба  ҳамин  давраи  соли  гузашта  хеле  зиёд  мебошад. Дар  ин давра  корхонаҳои  коркарди  пахта  ба  маблағи 96,1  миллион  сомонӣ  ва  корхонаҳои тобеи  вазорату  идораҳои  дигар  ба  маблағи  496,6  миллион  сомонӣ  маҳсулот  бароварданд. Дар  давоми  ду  моҳи  аввали  соли  равон  355  корхона  истеҳсоли  маҳсулотро  нисбат ба  ҳамин  давраи  соли  2009   зиёд  намуд. Дар  ин  муддат 321  корхона бо  сабабҳои  гуногун  кор  накард.