АСАРИ САҲНАВИИ ТЕАТРИ ТОҶИК ДАР САНКТ – ПЕТЕРБУРГ НАМОИШ ДОДА МЕШАВАД
Душанбе, 18 март. (АМИТ «Ховар», Таҳмина Ғоибназарова). — Асари саҳнавии Театри давлатии драммавии русии ба номи В.Маяковский «Шаби охирини Суқрот» моҳи апрели соли равон дар Ҷашнвораи байналмилалии театрҳо таҳти унвони «Мулоқотҳо дар Русия» пешкаши тамошобинон гардонида мешавад, ки дар шаҳри Санкт — Петербург баргузор мегардад. Коргардони намоишнома Баҳодур Миралибеков ба мухбири АМИТ «Ховар» гуфт, ки айни ҳол машқи асари саҳнавӣ дар театр давом дорад. Ҳунарпешагон нақшҳояшонро мувофиқи талаботи тамошобинони Русия такмил медиҳанд. Бояд гуфт, ки ҳунарпешагони Театри драммавии русии ба номи В.Маяковский дар озмуни мазкур бори дуюм ширкат меварзанд. Дар озмуни гузашта асари саҳнавии «Ниёиш» дар таҳияи коргардон Барзу Абдураззоқов сазовори ҷоиза гардида буд. Асари саҳнавии «Шаби охирини Суқрот» чандин аср пеш навишта шуда бошад ҳам, мазмуну мундариҷаи он то ҳол аҳамияти худро гумм накардаанд. Дар асар Суқрот, ҳамсари ӯ ва посбон дар бораи зиндагии худ, проблемаҳои замона ва роҳҳои ҳалли онҳо сухан меронанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
