БАРРАСИИ МАСЪАЛАҲОИ ҲУҚУҚИ ИНСОН ДАР СММ

Март 2, 2010 12:05

Душанбе,  2 март. (АМИТ «Ховар»). —  1  март  дар  Қасри  миллатҳои  Женева иҷлосияи  13 – уми   Шӯрои  хуқуқи  инсони  Созмони  Милали  Муттаҳид  кушода  шуд. Дар он  маърӯзаи  Комиссари  олии  СММ  дар  масъалаҳои  ҳуқуқи  инсон  Наванетх  Пиллей   шунида,  натиҷаҳои  иҷрои   қарорҳои  иҷлосияҳои  махсуси  Шӯро  муҳокима  карда,  роҷеъ ба   роҳу  усулҳои  назорати  эҳтироми  ҳуқуқи  инсон  дар  мамлакатҳои  гуногун  табодули  назар  карда  мешавад. Иштирокчиёни  иҷлосия  вазъияти  Шарқи  Наздикро  муҳокима  карда, маърӯзаи   гурӯҳи  нозирони  СММ – ро  дар  бобати муқаррар  намудани  далелҳои содир  намудани  ҷиноят  ба  муқобили  инсон   зимни   муноқишаи  мусаллаҳонаи  Исроил  ва  Фаластин   мавриди  баррасӣ қарор  медиҳанд.  Маҷмаи  кулли  СММ  ҳафтаи  гузашта   Ҳукумати  Исроил  ва  маъмурияти  Фаластинро  даъват  карда  буд, ки   далелҳои  поймол  намудани  ҳуқуқи  инсонро   дар  давоми  муноқишаи  мусаллаҳона  бо  назардошти  меъёрҳои  байналхалқӣ  ба таври  воқеӣ  тафтиш намоянд. Дар  маърӯзаи  коршиносони  мустақили  СММ  гуфта  мешавад, ки  бисёр  давлатҳои  ҷаҳон   дар  доираи  мубориза ба  муқобили терроризм аз   ҳабсхонаҳои  махфӣ  истифода  мебаранд.  Дар маърӯза  66  мамлакат  зикр  карда  шудааст, ки  аз  чунин  ҳабсхонаҳо  истифода бурдаанд. Баъзе  давлатҳо  гунаҳкор  карда  мешаванд, ки  барои  ҷазо  додани террористон   дар  ҳудуди  мамлакатҳои  дигар  ҳабсхонаҳои  махфӣ  сохтаанд. Дар иҷлосия  инчунин   маърӯзаи  намояндаи  махсуси  СММ  дар  масъалаҳои  озодии   дин  ва  вазъияти  ҳуқуқи  инсон  дар  ҶХДК  ва  Мянма   шунида  ва  муҳокима  карда  мешаванд.

Март 2, 2010 12:05

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд