БОҒИ ДӮСТИИ ХАЛҚҲО ЗЕБОТАР МЕШАВАД

Хуҷанд, 31 март. (АМИТ «Ховар», Мирзалӣ Амонов).-Дар боғи дӯстии халқҳо, ки дар маҳаллаи 32-юми шаҳри Хуҷанд воқеъ аст, ҳашари кабудизоркунӣ гузаронда шуд. Боғ аз партовҳо тоза карда шуда, 800 бех ниҳолҳои сӯзанбаргу ороишӣ шинонда шуд. Дар ин маърака хонандагони мактабҳои № 8, 10 ва 13-ӯм, ки дар наздикии боғ ҷойгиранд, фаъолона ширкат варзиданд. Санъаткорони шаҳр низ бетараф намонда, барои хонандагону ҳашарчиён суруду тарона хонда, табъи ҳозиринро болида намуданд.Аз тарафи ташаббускорон ба хонандагони фаъол тӯҳфаҳо тақдим гардид.