ДОРУҲОИ ҚАЛБАКӢ ДАРЁФТ КАРДА ШУД
Душанбе, 18 март. (АМИТ «Ховар», Жасмин Назарова). – Дар вақти гузарондани амалиёти «Морфин» 17 марти соли равон аз ҷониби кормандони раёсати муборизаи бар зидди мубодилаи ғайриқонунии маводи нашъадори ВКД ҶТ, дар кӯчаи Борбади пойтахт автомашинаи тамғаи «БМВ-13» таҳти идораи ронанда Ҷомӣ Назаров, соли таваллудаш 1988 истиқоматкунандаи ноҳияи Мӯъминобод боздошт карда шуд. Ҳангоми азназаргузаронии дохили боғоҷи автомашина 5 қуттии картон ба миқдори 1130 қуттии дорувории «Сумнол» ва 967 қуттии дорувории «Мезим-форте» дарёфт ва мусодира карданд. Тибқи иттилои корманди дафтари матбуоти ВКД ҶТ, ин дорувориҳо ба шаҳрванд Умедҷон Маҳкамов, соли таваллудаш 1988, сокини шаҳри Истаравшан тааллуқ доштанд. Ҳангоми азназаргузаронии хонаи иҷоравии ӯ воқеъ дар кӯчаи Борбад ба миқдори 14 ҳазору 110 қуттии дорувории «Мезим-форте» ва 700 қуттии дорувории «Сумнол» дарёфт ва мусодира карда шуданд. Баъди пурсиши кормандони раёсати мазкур маълум гашт, ки аз У. Маҳкамов 775 қуттии дорувории «Сумнол» харидорӣ карда шудааст. Мувофиқи маълумотномаи ташхисии Хадамоти назоратии давлатии фаъолияти фармасевтӣ дорувориҳои гирифташуда қалбакӣ буда, 83 ҳазору 753 сомониро ташкил медиҳад. Нисбати ин далел парвандаи ҷиноӣ оғоз шуда, тафтишоташ идома дорад.
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
