ДУХТУРОН НИЗ ДАР БУНЁДИ НБО-РОҒУН САҲМГУЗОРАНД

Душанбе,1 март (АМИТ»Ховар» Зебо Давлатова)- Сардухтури  дармонгоҳи шаҳрии дандонпизишкии кӯдаконаи  рақами 1-и шаҳри Душанбе, Маҳмӯд Муродов ба хабарнигори АМИТ»Ховар» иттилоь дод, ки корҳои  аз тарафи духтурони шуьбаҳои табобатию профилактикӣ давоми сол ба сомон расонидашуда ҳанӯз ҳам ба талаботи рӯз ҷавобгӯ нест.Дар ин самт  нарасидани духтурон аз рӯи воҳидҳои кори 65 фоизро ва ҳамшираҳои шафқат 50 фоизро ташкил медиҳад,ки ин  моро қаноатманд карда наметавонад.Айни замон Дармонгоҳи дандонпизишкии кӯдаконаи рақами 1 ба 121674 нафар аҳолии шаҳр хизмати тиббӣ мерасонанд.Соли гузашта мо ба 99967 нафар аҳолӣ хизмати тиббӣ расонидем.Сардухтур афзуд,ки бештар аз 10 семинар оид ба риоя кардани қоидаои гигению санитарӣ ва пешгирии бемориҳои инфексиони гепатитҳои В,С,ВИҶ,СПИД,зукоми нав А(Н1-N1) байни кормандони тиббӣ гузаронида шуд.Инчунин ба мабдағи 33000 сомонӣ аз ҳисоби буҷаи маҳаллии ҳукумати ноҳияи Шомансур бо дастгирии раиси ноҳия Фатҳулло Бӯриев корҳои таьмири косметикӣ гузаронида шуд.Кормандони  дармонгоҳи мо оид ба харидории саҳмияҳои НБО-и Роғун чун дигар ҳамватанони Ҷумҳуриямон саҳми босазои худро гузаронидаанд.То имрӯз ба маблағи  66 ҳазору 400 сомонӣ харидорӣ намуданд. Ман аз ҳисоби буҷаи оилавиам ба  маблағи 27 ҳазор сомонӣ саҳмия харидорӣ намудам,то ин ки ин нерӯгоҳи бузурги аср ҳар чи  тезтар ба истифода дода шавад ва мардуми тоҷик дар оянда  аз нарасидани барқ танқиси накашанд.