ФАЪОЛИЯТИ САМАРАБАХШИ НБО «САНГТӮДА – 1»
Душанбе, 15 март. (АМИТ «Ховар», Фарангис Раҳимова). — Нерӯгоҳи барқи обии «Сангтӯда – 1» аз рӯзи аввали ба кор даромаданаш то имрӯз самарабахш кор мекунад. Аз дафтари матбуоти нерӯгоҳ ба АМИТ «Ховар» хабар доданд, ки дар ин ҷо аз 1 октябри соли 2009 то имрӯз зиёда аз 880 миллион киловатт – соат қувваи барқ истеҳсол карда шуд. Дар давоми моҳҳои январу феврали соли 2010 иқтидори нерӯгоҳ 12 фоиз зиёд карда шуд. Дар давоми ду моҳ дар ин ҷо 369,4 миллион киловатт – соат қувваи барқ истеҳсол гардид. Ҳоло ҳар шабонарӯз дар нерӯгоҳ ба ҳисоби миёна 6,76 миллион киловатт – соат қувваи барқ истеҳсол карда мешавад. Директори генералии НБО «Сангтӯда – 1» Владимир Белов зикр кард, ки айни ҳол тақрибан 15 фоизи ҳаҷми умумии қувваи барқро дар Тоҷикистон ҳамин нерӯгоҳ истеҳсол менамояд. Мавсими аввали фаъолияти нерӯгоҳ нишон дод, ки сифати сохтмони он хеле хуб буда, дар бобати таъмини аҳолии мамлакат бо қувваи барқ саҳми арзанда мегузорад.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
