ХОҶАГИҲОИ ДЕҚОНӢ БА КИШТ ОМОДААНД

Душанбе, 31 март.(АМИТ «Ховар», Лаззат Диловарзод).- Бино ба иттилои Агентии омори назди Президенти ҶТ то 10 – уми марти соли ҷорӣ дар корхонаҳои кишоварзӣ ва хоҷагиҳои деҳқонӣ 14 ҳазору 552 тракторҳои гуногунтамға нигоҳ дошта мешаванд, ки аз онҳо  9155 адад ё 64 фоизашон дар ҳолати коршоямӣ қарор доранд. Омодагии тракторҳо ба корҳои саҳроӣ нисбат ба ҳисоби миёнаи ҷумҳурӣ дар хоҷагиҳои вилояти Хатлон (60 фоиз), ноҳияҳои Варзоб – 43, Файзобод – 46, Турсунзода – 49, Шаҳринав – 55 ва Ваҳдат 57 фоиз кам мебошад. Аз 2893 адад тракторҳои шудгоркунанда 1765 – тои онҳо ё 61 фоизашон ба  шудгор ва кишти баҳорӣ омодаанд. Ин нишондиҳанда дар хоҷагиҳои вилояти Хатлон 55 фоиз, ноҳияҳои Роғун- 29, Ваҳдат – 42, Турсунзода – 44, Шаҳринав – 46 ва Тоҷикобод 57 фоизро ташкил медиҳад, ки ин нисбати ҳамин давраи соли 2009 беҳтар аст. Таъмири тракторҳо дар хоҷагиҳои деҳқонӣ нисбат ба корхонаҳои кишоварзӣ дар сатҳи хубтар ташкил карда шудааст.